ILOILO CITY- Nagpatuman sang adjustment sa byahe ang mga sea vessels nga may ruta nga Parola- Guimaras and vice- versa.
Epektibo Mayo 3-6, Mayo 12-15, kag Mayo 19-23, ang tanan nga byahe sang roll on- roll off ang kutob sa 12 midnight samtang ang motorboat ang kutob sa las-dos sa kaagahon.
Ini agud maakomodar ang mga tawo nga luyag magpadulong sa Guimaras para sa Manggahan Festival 2024.
Sa interview sang Bombo Radyo kay Renato Gallentes crew sang Jordan Ferry 12, iya ginpahayag nga bentaha ini para sa ila agud nga mas magdamo ang ila trips kag maduludugangan ang kita sang sakayan.
