ILOILO CITY- Ginhatagan sang tribute sang isa ka Ilonggo young fashion designer ang mga manuglibod paagi sa iya koleksyon sang mga panapton.
Sa interview sang Bombo Radyo kay Edgian James Florida, iya ginpahayag nga gintawag niya ini nga “Patilaw” bilang selebrasyon sang pag-angkon sang Iloilo City bilang Creative City of Gastronomy sang United Nations Educational, Scientific and Cultural Organization (UNESCO).
Suno kay Florida, nga isa ka estudyante sang Iloilo Science and Technology University (ISAT U), nakit-an niya ang sakripisyo sang mga manuglibod sang kakanin, ulutanon, kag iban pa para sa ila pamilya.
Ini nga mga ‘obra maestra’ ni Florida ang ginpasundayag sa isa ka fashion show nga ginhiwat sa Iloilo City sang damlag lang.
Si Florida ang nakilala bangud sa iya cut out illustrations kag food art.
