Ginpaidalom ang Luzon kag Visayas grids sa red kag yellow alert subong nga Huwebes.
Suno sa National Grid Corporation of the Philippines (NGCP), nag-epekto ang red alert sa Luzon grid la-1:00 tubtub alas-5 subong nga hapon kag las-6:00 tubtub las 10:00 karon sa gab-i.
Ang yellow alert sa Luzon grid ang epektibo naman la-12:00 sa udto tubtub la-1:00 sa hapon, las-5:00 sa hapon tubtub las 6:00 karon sa gab-i kag las-10:00 sa gab-i tubtub las 12:00 sa tungang-gab-i.
Ang available capacity sa Luzon ang yara sa 13,531 megawatts, samtang ang ginalauman nga peak demand ang yara sa 13,597 megawatts.
Ginbutang man ang Visayas grid sa red alert halin la-2:00 tubtob las-4:00 subong nga hapon kag las-6:00 tubtob las-7:00 subong nga gab-i.
Nag-epekto naman ang yellow alert sa Visayas grid la-12:00 sa udto tubtub alas-2:00 subong nga hapon, las-4:00 sa hapon tubtub las 6:00 karon sa gab-i kag las-7:00 tubtub las 10:00 karon sa gab-i.
May yara naman sang available capacity ang Visayas grid nga 2,588 megawatts kun ipaanggid sa expected peak demand nga 2,537 megawatts.
Gina-isyu ang red alert sa tion nga kulang ang power supply agud malab-ot ang consumer demand kag regulating requirement sang transmission grid.
Gina-isyu naman ang yellow alert sa tion nga kulang ang operating margin agud malab-ot ang contingency requirement sang transmission grid.
