Gin-aprubahan na ni Senate President Francis “Chiz” Escudero angpagpatigayon sang “unlimited hearing” sa imbestigasyon sang Senado sa aktibidad kag identity ni Bamban, Tarlac Mayor Alice Guo.
“Yun naman talaga ang sinasabi ng Korte Suprema, yun ang umiiral na batas at walang kinalaman yan sa pagpapatuloy o hindi pagpapatuloy ng hearing,” pahayag ni Escudero.
Suno kay Escudero, mahimo magpatigayon sang hearing ang komite ni Senador Risa Hontiveros tubtob san-o nila luyag agud makalkal ang tanan nga isyu nga nagapalibot kay Guo.
“Puwede siyang mag-hearing nang unli hanggang gusto niyang mag-hearing o hanggang matapos yung nais niyang makuhang impormasyon at kaalaman para maghain ng panukalang batas na magagamit ng ating mga kababayan at bansa,” dugang pa ni Escudero.
Nahibaluan nga gina-imbestigaran ni Hontiveros, chairman sang Senate Committee on Women, Children, Family Relations and Gender Equality ang kaso nga human trafficking kag criminal activities nga ginapatihan kahimuan sang offshore gaming operations, nga kasosyo ni Guo.
Ginkalkal man sang Senado ang identity ni Guo bangud wala ini sang mapakita nga legal nga dokumento nga makapamatuod nga isa siya ka Filipino kag ginadudahan nga ginpadala siya sang China sa Pilipinas bilang isa ka spy.
Samtang suno naman kay Senate Majority Leader Joel Villanueva, importante nga matumod kun bala may yara sang koneksyon ang pamilya ni Guo sa Chinese Communist Party (CCP) sa China.
“Yung sinasabing walang connect doon sa national security, I think it’s important. We have seen and heard a lot of news and even intel information na merong koneksyon ‘yung pamilya niya doon sa CCP doon sa China,” pahayag ni Villanueva.
Nagakadapat man suno kay Villanueva nga magpahilabot na ang mga concerned government agencies kaangay sang Department of Labor and Employment kag Bureau of Immigration.
“It is important na talagang matuloy ‘yung hearing at talagang makita natin ito,” dagdag niya. “I hope and I pray na (that) once and for all we step up our game, especially our concerned government agencies especially ang DOLE, ang BI, at iba pa.”
