Balantayan 8:30 subong nga aga (oras sa Pilipinas) ang makahalawat-hawat nga Game 5 sa tunga sang Dallas Mavericks kag Minnesota Timberwolves sa Western Conference finals.
3-1 ang serye pabor sa Dallas, kag pananglitan makuha pa sini ang kadalag-an subong nga adlaw, maga-diretso na ini sa 2024 NBA Finals kun sa diin nagahulat na sanday Jayson Tatum kag ang Boston Celtics nga amo ang nagkampyeon sa Eastern Conference matapos gin-sweep ang Indiana Pacers.
Apang indi man pag-ihatag gilayon sang Minnesota ang pabor sa Mavericks ilabi na bangud sila ang may homecourt advantage subong nga sambuwa sa Target Center sa Minneapolis.
Posible nga wala sa Wolves subong nga aga ang isa sa best players sini nga si Mike Conley nga nalista nga kwestyonable sa injury report. Nalakip si Conley sa injury report sa kada hampang sa best-of-seven series apang naghampang man ini sa nagligad nga apat ka games.
Sa Mavs naman, nalista sa injury report ang rookie kag former Duke star si Dereck Lively II nga wala man nakahampang sa Game 4.
Pananglitan magdaog ang Timberwolves sa Game 5, magabalik ang teams sa Dallas para sa Game 6 nga natalana sa Domingo sang aga.
