Ginkumpirma sang Philippine Atmospheric, Geophysical, and Astronomical Services Administration (PAGASA) nga nagtakop na ang El Niño phenomenon.
Suno sa weather state bureau, ang pagtakop sang El Niño ang bangud sa pagbag-o sang pattern sang klima sa tropical Pacific region.
Sa subong, nagbalik na ang klima sa neutral phase.
“With these developments, the final advisory for El Niño (2023-2024) is issued and the PAGASA ENSO Alert and Warning System is now lowered to inactive (ENSO-neutral) while the La Niña Watch remains in effect,” pahayag sang PAGASA.
Sa pihak sini, maeksperyensyahan sa gihapon ang mainit nga panahon sa pila ka mga lugar sa pungsod kag may yara sang below-normal nga pag-ulan.
Samtang, lauman naman ang La Niña sa Hulyo, Agusto kag Setyembre subong nga tuig.
Nagpanugyan man ang weather state bureau sa mga ahensya sang gobyerno kag sa publiko nga magpabilin nga vigilante kag mahalong sa possible epekto sang pagbag-o sang klima.
