ILOILO CITY- Ginhatagan sang pagkilala ang local hero sang Iloilo Province nga si Gen. Martin Teofilo Delgado kadungan sang 126th Philippine Independence Day celebration subong nga adlaw sa Sta. Barbara, Iloilo.
Ang banwa sang Sta. Barbara amo ang lugar kun sa diin una nga ginbatak ang hayahay sang Pilipinas sa gwa sang Luzon ukon ginatawag nga ‘Cry of Santa Barbara’.
Natabo ini sang Nobyembre 17, 1898, ukon lima ka bulan matapos nagdeklarar si General Emilio Aguinaldo sang Philippine independence sa Espanyol sa Kawit, Cavite sang Hunyo 12, 1898.
Sa interview sang Bombo Radyo kay Sangguniang Bayan Member Christine Marie Delgado-Robles, apo ni late General Delgado, iya ginpahayag nga nagakalipay siya bangud ginahatagan sang importansya ang ginhimo nga pagkabaganihan sang iya lolo.
Suno kay Robles, kada tuig, naandan na nga hatagan sang importansya ang iya lolo bilang lider sang ‘Cry of Santa Barbara’.
Matapos ang pagbatak sang Philippine flag, naghalad naman sang ‘wreath’ sa monumento ni late General Delgado.
