ILOILO CITY- Natalana sa masund nga semana ang ginpatawag ni Iloilo First District Board Member Jo-Ann Germinanda nga committee investigation sa Sangguniang Panlalawigan kaangot sa pagpasirado ni Vilma Sta. Cruz Getuya, iloy ni San Joaquin Vice Mayor Marvigrace Getuya Lago sang daan nga San Joaquin Mother and Child Hospital.
Sa interview sang Bombo Radyo kay Board Member Germinanda, iya ginpahayag nga tuyo sang imbestigasyon nga mahatagan kasanagan ang mga issue tuhoy sa pag-take over sang pamilya Getuya sang hospital apisar nga ini ang ginapanag-iyahan na sang gobyerno.
Suno kay Germinanda, siya mismo ang nakapat-ud nga wala gin-abandona ang ospital bangud naga-function pa ang iban nga mga rooms sini.
Pahayag niya, may budget man nga ginpain ang gobyerno para sa pag-rehabilitate sini.
Nagapati naman ang opisyal nga may malisyoso nga motibo kun nga ginhimo ang amo nga butang sa nasambit nga ospital.
