ILOILO CITY- Magapatawag sang pagsinapol subong nga aga si Iloilo Provincial Police Office Director Police Colonel Bayani Razalan sa mga tawo nga involved sa issue sang pagsirado sang Mother and Child Hospital sa San Joaquin, Iloilo.
Nahanungod ini sa ginpahayag nga pagpabaya sang San Joaquin Municipal Police Station sa pagpamuno sang hepe nga nga si Police Captain Felix Perez nga magpatunga sang tion nga nagluntad ang kinagamo sa amo nga ospital.
Sa interview sang Bombo Radyo kay Colonel Razalan, iya ginpahayag nga nagpadala ini sang sulat sa tanan nga kampo nga involved nga ginalakipan sang municipal officials sang San Joaquin, punong barangay sang barangay nga nahamtangan sang ospital, amo man sa pamunuan sang Western Visayas Medical Center.
Patigayunon ang pagsinapol sa San Joaquin Municipal Police Station.
