Nagtipon ang mga tiglawas sang masobra 100 ka mga pungsod kag organisasyon sa isa ka major conference sa Switzerland sa tuyo nga istoryahan ang Russian invasion sa Ukraine.
Target ni Ukrainian President Volodymyr Zelensky nga gamiton ang meeting agud magpanawagan sang suporta sa iya 10-point peace plan nga ginplastar sang 2022.
Kun ma-ugyunan na sang iban nga nasyon ang proposal para tapuson ang gyera, igapasa ini sa Russia kag may yara sang ikaduha nga peace summit kun sa diin hitsuhon na gid kag tapuson ang gyera.
Lakip sa plano ni Zelensky amo ang pag-demand sang pagtapos na sa kalakasan, pagbalik sang territorial integrity sang Ukraine, pag-isol sang tropa sang Moscow halin sa Kyiv kag pagbalik man sang pre-war borders sang Ukraine sa Russia.
Nagapanawagan man ini sang pag-establisar sang special tribunal para nga ma-prosecute ang war crimes nga ginahimo sang Russian military.
Kalabanan sa Western governments ang nagpadala sang ila nga mga tiglawas, lakip na si US Vice President Kamala Harris nga amo ang magarepresentar sang Estados Unidos sang Amerika. Sa sini nga summit, igahatag sini ang panibag-o nga aid package sa Ukraine nga nagabalor sang $1.5 billion para matukod liwat ang mga imprastraktura nga naguba bangud sa gyera.
May heads of state man halin sa European states lakip ang France, Germany kag UK, samtang yara man si Japanese Prime Minister Fumio Kishida.
Wala sa sini nga pagtilipon ang pungsod China kag Russia. Wala sang senyales nga magpasugot ang Russia sa plano sang Ukraine ilabi na bangud antes ang summit, naghimo man si Russian President Vladimir Putin sang kaugalingon nga peace plan nga kalabanan indi man pagpasugtan sang Ukraine.
