Gin-anunsyo ang militar sang Israel nga untaton sini anay ang pag-atake sa south Gaza agud hatagan sang ligwa ang pagsulod sang mga ayuda para sa Palestinians nga binulan na nga gina-gutom.
Natabo ini nga “local, tactical pause of military activity” sa Rafah matapos nga walo ka soldado sang Israel ang napatay sa pagsigabong sa southern Gaza kag may duha man nga napatay sa separado nga insidente sa naaminhan nga bahin sang Strip nga amo ang pinakadaku nga nadula sa Israeli army halin sang ginsuguran sini ang gyera batok sa Hamas.
Ini nga anunsyo ang kadungan man sa pagmarka sang mga Muslim sa kalibutan sang Eid al-Adha ukon ang feast of sacrifice.
Gin-abi-abi naman sang United Nations ang tikang sang Israel nga may pag-untat anay sa away kag kinahanglan suno sa ila nga damuon ang ayuda nga mapasulod ilabi na ang pagkaon kag tubig nga kinahanglan sang Gazans.
Nahibaluan nga antes sini, sulit-sulit na nga nagpaandam ang UN agencies kag ang aid groups nga daku ang kakulangan sang pagkaon sa Gaza Strip bangud sa pagsirado sa alagyan sa Rafah nga patabok sa Egypt.
