ILOILO CITY – Ginkumpirma ni Iloilo City Mayor Jerry Treñas nga personal nga nagpangayo sang pasaylo sa iya si Iloilo City District Engineering Office officer-in-charge Engr. Roy Pacanan.
Sa interview sang Bombo Radyo kay Treñas, iya ginpahayag nga nagpaathag si Engr. Pacanan bangud mas nauna pa sa iya nga nagpasalamat si Department of Public Works and Highways (DPWH) Secretary Engr. Manuel Bonoan sa paghatag sa ila sang temporaryo nga opisina.
Suno kay Treñas, kaupod ni Engr. Pacanan ang iya staff kag ang City Legal Office.
Diri kag ginpamatian nanday Treñas kag Pacanan ang ila tagsa ka bahin.
Apang suno sa alkalde, sa pihak sang pagpangayo sang pasaylo ni Engr. Pacanan, wala siya sang plano nga bawion ginpagwa sini nga executive order (EO) nga nagadeklarar sa iya bilang persona non grata.
Mangin ang Iloilo City Council ang nagpasar man sang resolution nga nagadeklarar man kay Engr. Pacanan nga indi na welcome sa syudad.
Ginpahayag ni Treñas nga magadepende na kay Engr. Pacanan kun piliton pa sini ang iya kaugalingon sa Iloilo City.
Gindugang man sang alkalde nga may mga atrasado nga proyekto ang Iloilo City District Engineering Office nga wala mapaathag sang maayo ni Engr. Pacanan.
Magluwas diri, may mga proyekto man ang DPWH sa syudad nga ginpatuman apisar wala sang approval kag building permits nga maathag nga paglapas sa Building Code.
