ILOILO CITY- Amat- amat na nga ginaporma sang Liberal Party ang ila nga slate para sa masunod nga 2025 senatorial elections.
Sa interview sang Bombo Radyo Iloilo kay anay Senate President Franklin Drilon nga chairman sang Liberal Party, iya ginpahayag nga sa subong, tatlo pa lang ang kumpirmado nga magapadalagan sa opposition party.
Ini amo sanday anay Senators Francis ‘Kiko’ Pangilinan, Bam Aquino kag Chel Diokno.
Suno kay Drilon, sa subong, ginaistorya pa nila ang iban pa nga katapo sang partido kun magapadalagan sa masunod nga eleksyon.
Apisar wala gin-ako, wala man ginkumpirma kun magapadalagan si Drilon sa senatorial elections sa 2025.
Dugang niya, mahibaluan lamang ang iya nga desisyon kun malapit na ang filing sang certificate of candidacy.
