CAGAYAN DE ORO CITY – Ginkumpirma ni Vice President Sara Duterte nga mapadalagan ang iya manghod nga si Davao City Mayor Sebastian “Baste” Duterte, bilang Presidente sa 2028.
Suno sa bise presidente, mismo ang ila iloy nga si Elizabeth Zimmerman amo ang nagkumpirma nga mapadalagan ang iya manghod nga si Baste bilang senator sa 2025.
Samtang sa 2028, mapadalagan naman ini bilang presidente.
Nagpanugyan man ang iya iloy nga mas maayo nga magbalik na lang ang bise presidente sa Davao City kag magpadalagan bilang Mayor.
“My mother told me that the one who will run as senator is my younger brother, Baste Duterte. He will be the one to run in 2028 as president. My mother also said that I should go back to Davao and run as mayor,” pahayag sang bise presidente kadungan sang pagpanguna sini sa ginpatigayon nga annual OVP Pride Reception sa Cagayan de Oro City.
Ginkumpirma mana sini nga ang iya amay nga si former President Rodrigo Duterte, utod sini nga si Davao Rep. Paolo Duterte, kag Mayor Duterte, ang sigurado na nga mapadalagan bilang senador sa masunod nag tuig.
Nahibaluan nga antes nangin bise presidente, nagserbe anay si Sara bilang Mayor sang Davao City.
Nag-resign naman ini bilang myembro sang gabinete ni Presidente Ferdinand Marcos, Jr., sang nagligad nga semana.
