ILOILO CITY- Nagdangat na sa kapin P1.1 trillion ang napatuman na nga investments pinaagi sa foreign trips ni President Ferdinand Marcos Jr. humalin sang 2022 tubtob subong nga Hunyo.
Base sa data sang Department of Trade and Industry (DTI), ginalakipan ini sang 65 projects nga rehistrado sa Board of Investments (BoI) kag Philippine Economic Zone Authority (PEZA).
Suno sa DTI, 12 sa mga proyekto ang naga-operate na subong kag nagabalor sang P19.3 billion.
21 ka mga proyekto nga nagabalor sang P94 billion ang malapit na lang magsugod sa operasyon.
Ini nga actualized investments nagabug-os sang kapin 31 percent sang P3.6 trillion nga investment pledges nga nakuha sang President paagi sa iya byahe sa luwas sang pungsod.
