Wala sang plano si anay Presidente Rodrigo Duterte nga magsipot sa hearing sang Kamara nga amo ang naga-imbestigar sa linibo ka drug suspects nga napatay sa tion sang police operations kadungan sang war on drugs sang anay administrasyon.
Suno kay anay presidential spokesperson Harry Roque, indi man mapwersa sang Kongreso nga magtambong sa hearing kag magtestigo ang anay chief executive.
Nagapati man si Duterte suno kay Roque nga indi husto nga lugar ang Kamara agud imbestigaran ang anuman nga criminal allegation batok sa iya.
Apang gin-athag sini nga handa kag wala nahadlok si Duterte nga mag-atubang sa anuman nga korte sa Pilipinas agud sabton ang mga akusasyon sa iya kag ang extrajudicial killings nga naangot sa drug war.
“Tatay Digong is unafraid to face all his accusers in any domestic court. He will cooperate and participate in any criminal investigation, provided that Filipino prosecutors conduct the proceeding,” dugang pa sang former presidential spokesperson.
Nahibaluan nga ang House committee on human rights ang una na nakapadala sang imbestigasyon kay Duterte kag sa iya former police chief nga si Senator Ronald “Bato” dela Rosa. Sila ang gin-imbestigaran man sang International Criminal Court (ICC) bangud sa gina-alegar nga crimes against humanity sa systematic drug war deaths sa police operations sang Duterte administration.
Ex-Philippine President Rodrigo Duterte. (AP)
