ILOILO CITY- Naglab-ot na sa kapin 30 ka mga traffic enforcers sa Iloilo City ang ginkakas sa serbisyo bangud sa kahilabtanan sa iligal nga mga aktibidad kaangot sa ila trabaho.
Suno kay retired Police Colonel Uldarico Garbanzos, pinuno sang Iloilo City Traffic Management Unit (ICTMU), humalin sang Disyembre 2023 tubtob subong nga Hunyo 2024, 32 na ka traffic enforcers ang na-terminate.
Pahayag ni Garbanzos, ini nga mga personnel ang nakahimo sang grave misconduct, extortion, kag gross neglect of duty.
Nagpaandam naman ini sa iban nga personnel nga indi siya magduha-duha nga pahalinon ang mga ini sa serbisyo sa tion nga may himuon sila nga irregularidad.
