ILOILO CITY- Arestado ang isa ka lalaki nga wanted bangud sa pag-rape kag pagpabusong sa 16-anyos nga PWD sa Fairview, Quezon City.
Nadakpan ini sa iya ginaubrahan sa Silang, Cavite.
Suno sa otoridad, matapos nadiskubrehan ang ginpahayag paghimulos kag pagpabusong sa biktima, gilayon nga nalagyo kag nanago ang suspek tubtob nga ini ang natultulan.
Hugot naman nga ginpangiwala sini ang alegasyon kag ginhangkat ang pamilya nga ipaidalom sila sa DNA test sang lapsag.
Base sa imbestigasyon, masami nga nagakadto ang suspek sa balay sang biktima.
Base naman sa pahayag sang suspek, nagapadulong man sa iya balay ang dalagita apang wala niya ini gintandog, sa baylo, ginapakaon lang niya ini.
