ILOILO CITY- Temprano pa nga natapos ang kampanya sang Filipino boxer nga si Eumir Marcial sa Paris Olympics matapos napierde ini sa kamot sang boxer sang Uzbekistan nga si Turabek Khabibullaev sa Round of 16 sa men’s 80kg division.
Ang judges naghatag sang score nga 29-28, 29-28, 29-28, 30-27, 29-28, tanan pabor kay Khabibullaev.
Hulaton naman ni Khabibullaev ang winner sa tunga sang Cuba nga si Arlen López kag Turkish nga si Kaan Aykutsun sa masunod nga round.
Si Marcial nga tumandok sang Zamboanga ang nangin bronze medalist sa Tokyo Olympics 2020.
