Ginsundan sang China Coast Guard (CCG) ang barko sang Bureau of Fisheries and Aquatic Resources (BFAR) nga nagahatag sang ayuda sa mga manugpangisda nga Pinoy sa West Philippine Sea.
Ginpahayag nga nagsunod ang CCG 21551 sa BRP Datu Pagbuaya halin sa Escoda Shoal pakadto sa Lawak kag Patag Islands.
Wala pa nag-untat didto ang Chinese vessel bangud nag-ikog pa gid ini sa Filipino vessel halin sa Iroquois Reef pakadto sa Recto Bank kun sa diin ginhatag na sang Datu Pagbuaya ang fuel sa Pinoy fishermen.
Nagpalapit pa ang CCG sa nahamtangan sang BRP Datu Pagbuaya kag nag-record pa kag nag-picture sa aktibidad sang mga Pinoy.
Nahibaluan nga sulod pa sa exclusive economic zone sang Pilipinas ang Recto Bank nga may oil deposits nga duha tubtub tatlo ka beses nga mas daku ipaanggid sa Malampaya natural gas field.
Nagpadayon man ang surveillance sang CCG sa BFAR vessel apisar nga natapos na ini sa misyon sini sa Recto Bank kag nagbalik sa Bataan rason nga nag-isyu ang Filipino vessel sang radio challenge sa Chinese ship.
Ginreport man nga apisar wala direkta nagpamalabag ang China sa resupply operations apang istrikto nila nga ginsundan kag gin-monitor ang BRP Datu Pagbuaya sa sulod sang 10 ka adlaw.
(Photo:Raffy Tima/FB)
