Gin-anunsyo sang kampo ni Vice President Kamala Harris nga duha ka beses sini nga atubangon sa debate ang iya Republican rival nga si former US president Donald Trump samtang maka-isa ka bes naman nga maga-atubangay ang ila mga bise-presidente.
Una na nga ginkumpirma nga nagsugtanay sanday Harris kag Trump sa Septyembre 10 nga presidential debate sa ABC News samtang sa Oktubre 1 naman ang vice-presidential face-off.
Nagpadayon ang Trump campaign sa pagduso sa duha ka iban pa nga presidential debates sa Septyembre kag and extra nga VP encounter.
Apang sa statement sang Harris campaign, ginsiling nga indi na pag-debatehan ang debate bangud nabaton na ang ila proposal nga tatlo ang debate kun sa diin duha ang sa presidential kag isa sa vice presidential candidates.
Nahibaluan nga lagsanay na halos ang schedule ilabi na sa Democrats bangud ulihi na lamang napasulod bilang presumptive nominee si Harris kasunod sang pag-atras ni US President Joe Biden sa iya reelection campaign bangud man sa iya edad nga subong 81-anyos.
Si Harris ang una nga female kag una nga Black and South Asian vice president sang USA kag pananglitan magdaog batok kay Trump sa White House, magahimo man siya sang maragtas bilang una nga babaye nga presidente sang amo nga pungsod.
