ILOILO CITY – Duha ka mga estudyante sa duha ka mga Universities sa Iloilo ang Rank 10 sa August 2024 Psychometricians Licensure Examination.
Ini amo sanday Gellyn Canabal kag Samuel Adrian Medina nga lunsay nakakuha sang 85.40 percent nga passing rate sa pasinawan.
Si Canabal ang tumandok sang Victorias City sa Negros Occidental kag nagtapos bilang cum laude sa kurso nga Bachelor of Arts in Psychology sa University of the Philippines Visayas.
Si Medina naman ang nagtapos sa kurso nga Bachelor of Science in Psychology sa University of San Agustin.
Nahibaluan nga 7,478 ukon 69.78% ang nakapasar gikan sa 10,717 nga nagkuha sang pasinawan.
