Nag-atubang Quad Committee meeting sang House of Representatives ang kontrobersyal nga si Police Lt. Col. Jovie Espenido sa diin nag-testify ini sa drug war sang Duterte administration.
Sa subong, si Espenido ang yara sa floating status sa Police Regional Office 8 sa Palo, Leyte humalin pa sang Abril 1, 2024.
“Ang instruction lang na tulungan mo ako, Jovie, at saka si President Duterte, about this war against illegal drugs. So, dapat, galingan mo ha, ikaw ang i-assign ko as chief of police ng Albuera, so dapat mawala na yung mga drugs sa Albuera. “’Yun yung natandaan ko.”
Gin-ako naman ni Espinido kay Manila 3rd district Rep. Manila Rep. Joel Chua nga mismo sanday former Philippine National Police (PNP) chief kag subong Senator Ronald ‘Bato’ dela Rosa ang nagsugo sa iya agud pangunahan ang drug war sa Albuera, Leyte.
Nalakip na diri suno sa iya sa sugo ni dela Rosa amo nga papason ang tanan nga mga durugista nga nagakahulugan nga pamatyon ang mga ini.
“Ang police, isa lang ang word, general word na ibigay. Lahat [ng police], alam na namin ang isang meaning din. Pagsabi na mawala, kasali na ‘yung mamatay.”
Ginbulgar man sini nga ginmanduan siya nanday Sen. dela Rosa kag former Special Assistant to the President Christopher Lawrence ‘Bong’ Go nga indi pagtandugon si Clarin, Misamis Occidental Mayor David Navarro apisar nga nalakip ini sa drug watchlist bangud ang akalde bilang operator sang small town lottery (STL) amo ang nagapondo sang reward system sa drug war.
Ginpahayag man ni Espenido nga may impormasyon nga nagaagi kay Sen. Go ang pondo halin sa Philippine Offshore Gaming Operators (POGO) para sa reward system sa mga pulis.
Apang ini ang base lang sa impormasyon ang ginpakigbahin ni Mayor Navarro sa iya.
Samtang, gin-ako naman ni Espenido nga personal siya nga naga-report kay former President Rodrigo Duterte sa mga accomplishment sini sa drug war.
