ILOILO CITY – Pilason ang duha ka indibidwal matapos nasunog ang canteen sa ITGSI Terminal sa Ungka, Jaro, Iloilo City.
Sa interview sang Bombo Radyo kay Evelyn Peñaflor, iloy sang tag-iya sang canteen, iya ginpahayag nga nag-angkon ini sang second degree burn sa butkon kag first degree burn sa duha ka tiil.
Magluwas diri, pilason man ang cook sang nasambit nga canteen.
Nahibaluan nga ilisan kuntani sang cook ang tangke sa stove apang nagsungaw ini.
Gintinguhaan pa kuntani nga mapalong ang kalayo gamit ang fire extinguisher apang indi ini makahibalo tubtob naglupok ang gasul.
Sa subong, padayon pa nga ginahibalo sang Bureau of Fire Protection ang balor sang nagkalaupos nga propedad.
