Nagpirma na ang basketball superstar nga si Stephen Curry sa isa ka tuig nga extension sa Golden State Warriors.
Yara sa $62.6-million ukon P3.52-billion ang kontrata nga ginpirmahan sang 36-anyos nga two-time NBA Most Valuable Player.
Nahibaluan nga may duha pa ka tuig nga nabilin sa apat ka tuig kag $215.4-million ukon P12.11-billion nga agreement nga ginpirmahan ni Curry sang Agusto 2021.
Apang base sa “over-38 rule” sa collective bargaining agreement, eligible lamang siya sa one-year extension sa offseason bangud maga-tapak na siya sa edad nga 38 sa tion sang kontrata (March 14, 2026).
Si Curry nga isa ka 10-time All-Star, four-time NBA champion, kag two-time scoring king ang naka-average sang 26.4 points, 5.1 assists, kag 4.5 rebounds sa 74 games sa iya ika-15 nga season sa Golden State sang 2023-2024.
Siya ang all-time leader sang NBA sa three-point field goals (3,747) kag amo man ang career leader sang Warriors sa points (23,668), assists (6,119), steals (1,473), kag games nga napasakupan (956).
Bangud sa bag-o nga kontrata, nagsaka na ang career salaries ni Curry sa masobra $500 million ukon masobra P28.12-billion.
Siya, si LeBron James, kag si Kevin Durant amo lamang ang NBA players nga nabayaran sang amo sini kadaku nga kantidad.
