Nagabaskog ang Bagyo Enteng matapos naglabay sa Northern Luzon kag nagahulag na subong padulong sa West Philippine Sea.
Padayon ini nga nagahulag sa nakatundan pa-naaminhan nakatundan sa sulod sang 24 oras kag ginalauman nga maghulag pa nakatundan sa West Philippine Sea umpisa sa bwas Setyembre 4, tubtob makalab-ot sa Hainan, China sa Sabado, Setyembre 7.
Base sa iya track forecast, ginalauman nga magwa ini sa Philippine Area of Responsibility sa bwas sang aga.
Karon sa hapon ukon sa gab-i, ginalauman naman nga magalab-ot ini sa Severe tropical storm kag mangin Typhoon sa Huwebes, Setyembre 6.
Ang Sentro sini ang ginabanta yara baybayon sang Paoay, Ilocos Norte.
Dala sini ang kabaskugon sang hangin nga nagadangat sa 75 km/h malapit sa sentro kag pagmadlos nga tubtob sa 125 km/h.
Nagahulag ini pa naaminhan-nakatundan sa kadasigon nga 25 km/h.
Yari naman ang mga lugar nga napaidalom sa Tropical Cyclone Wind Signal No. 2 sa diin may yara sang minor to moderate nga pamahog sa kabuhi kag propedad:
Luzon:
Ilocos Norte, northern portion sang Ilocos Sur, Apayao, Abra, Kalinga, western portion sang Mainland Cagayan lakip na ang Babuyan Islands.
Yari naman ang mga lugar nga napaidalom sa Tropical Cyclone Wind Signal No. 1 sa diin may yara sang minimal to minor nga pamahog sa kabuhi kag propedad:
Luzon:
Nabilin nga bahin sang Ilocos Sur, northern portion sang La Union, Mountain Province, Ifugao, northern portion sang Benguet, Batanes, nabilin nga bahin sang Mainland Cagayan, nabilin nga bahin sang Babuyan Islands, Isabela, northern portion sang Nueva Vizcaya kag northern portion sang Quirino.
