Malipayon nga ginsug-alaw nanday Kritine Hermosa kag Oyo Boy Sotto ang panibag-o nga miyembro sang ila pamilya.
Ini amo si Baby Isaiah Timothy nga amo na ang ika-anum nila nga anak!
Mismo si Oyo Boy ang nag-post sang laragway sa Instagram kun sa diin nakit-an ang ila kabataan nga sanday Kiel, Ondrea, Kaleb, Marvin, kag Isaac nga nakalinya sa pagpungko sa couch samtang yara sa butkon ni Ondrea ang ila kamanghuran nga utod.
“Testimony of God’s faithfulness… You deserve all praise and glory Lord Jesus Christ!” pahayag pa sang padre de pamilya.
Napuno naman sang pagpanginbulahan sanday Oyo kag Kristine halin sa fans kag mangin celebrities.
Matandaan nga 2011 sang ginkasal ang celebrity couple kag Pebrero naman sang gin-anunsyo ang pagbusong ni Kristine sa ila ika-anum na nga baby.
