Gin-eleher si Iloilo Governor Arthur Defensor Jr. bilang Vice President for the Visayas sang Partido Federal ng Pilipinas (PFP) nga amo ang political party ni President Ferdinand ‘Bongbong’ Marcos, Jr.
Kadungan ini sang PFP General Assembly and National Convention nga ginpatigayon sa Manila, Septyembre 16.
Nahibaluan nga isa man si Defensor sa concurrent regional chairs sang amo nga Partido. Nagsulod siya sa amo nga political group sang Agusto sang nagligad nga tuig.
Samtang, sa amo man nga convention, ginpahanumdom ni Marcos sa mga miyembro sang partido nga makig-uod gid kag mag-trabaho kaupod sa mga kaalyado sa pulitika samtang ginasuguran na ang pag-organisar sang ila kaugalingon para sa 2025 midterm elections.
“Let’s get down to as much detail as we can, but remembering that we are doing this in consonance with other parties who have their own interests. Syempre may bigayan yan, but we as PFP we stand by our members,” pahayag sang presidente.
“Let us organize ourselves as best that we know how, but always keep in mind that we have to work with other big groups who also have their own interests. And we also have to make allowances for them as they will be making allowances for us,” dugang sini.
Matandaan nga nagpirma ang partido sang alyansa kaupod sa Lakas-CMD, National Unity Party, Nationalist People’s Coalition, kag sa Nacionalista Party. Amo sini ang nagahimo sa Partido Federal nga pinakadaku nga political bloc sa Pilipinas subong.
Nagpahayag man ang president nga bisan daku ang suporta para sa PFP, dapat nga indi magkumpyansa kundi himuon nga “well-organized” ang kampanya.
“We still have to be well-organized. A lot of the campaign depends on how organized the campaign is. Kahit na magaling ang kandidato mo, kahit handa kang gumastos ng malaki, kapag hindi maayos ang campaign mo, wala ring mangyayari. Marami tayong nakikita nyo nang ganyan, na complacent, na parelax-relax, tapos natalo. Hindi natin pababayaan na mangyari yan to any of our members, for that matter for any of those na naging kasama natin dahil sa alyansa,” kabahin sang speech ni Marcos.#
(Photo: Emelyn Barawid Magdurulan/Governors League)
