Nangin mainit ang diskusyon sa tunga nanday Vice President Sara Duterte kag myembro sang House Committee on Good Government and Public Accountability kadungan sang deliberasyon sa proposed budget sang Office of the Vice President (OVP).
Una diri, naghatag sang privilege speech si Committee member kag Manila Rep. Rolando Valeriano kaangot sa isyu sa diin ginpakamalaot niya si Duterte sa indi pagtambong sa public hearings sa proposed budget sang iya opisina.
Apang nakibot ang tanan ang napakita si Duterte sa hearing subong nga adlaw.
“I am appearing before you today not only as the head of office, but more importantly as the newly authorized representative of all officials of the OVP (Office of the Vice President). Simply because we have not done anything wrong.”
Nagbais man si Duterte kag ang newly elected chairman sang komitiba nga si Manila 3rd District Representative Joel Chua bangud sa indi pag-take oath sang bise presidente.
“Yes [I did not take the oath and], rightly so. Kasi nagpadala sila ng rules at pinag-aralan ko ‘yung rules nila. Nakalagay doon sa rules nila na witnesses lang yung mago-oath. Eh, paulit-ulit na sinabi kanina na resource person ako.”
Depensa ni Duterte, gin-imbitaran siya bilang resource person kag indi witness, kag santo sa rules sang komitiba, ang witness lang ang dapat nga magsumpa.
Matapos ang diskusyon sa nasambit nga isyu, nagdesisyon na lang ini nga respetuhon ang desisyon ni Duterte.
“So, sabi ko, bakit naman ako mago-oath na resource person ang sinabi sa akin. Malaki po ang pinakaiba ng witness at resource person.”
Kadungan sini, ginpahayag ni Duterte nga bahala na ang Kamara kun ano ang ila gusto nga himuon nga budget sang OVP.
“What we are witnessing now is no ordinary legislative inquiry. This exercise is a well-funded and coordinated political attack, evident from the very words of the privileged speech that prompted this inquiry.”
Suno sa bise presidente, indi niya pagsabton ang mga pamangkot sang mga myembro sang komitiba bangud ang katuyuan lang sang hearing amo nga gub-on ang iya imahe.
Gindugang man sini nga ang matuod nga katuyuan sang mga kontra sini sa politika amo nga ipa-impeach ini.
“Sa totoo lang, hindi naman ang budget ang puntirya ninyo dahil napakadali naman magtanggal ng budget. What you are trying to do is make a case for impeachment.”
Gin-athag sini nga wala siya sang plano nga magkandidato sa masunod nga eleksyon.
Wala naman ginpatapos pa ni Duterte ang hearing kag nagbiya ini.
