Nakahanda na si dismissed Bamban, Tarlac Mayor Alice Guo nga itudlo ang ‘most guilty’ sa operasyon sang iligal nga Philippine Offshore Gaming Operators (POGO) sa Pilipinas.
Ini ang kadungan sang ginpatigayon nga Senate hearing sang Senate Committee on Women, Children, Family Relations and Gender Equality nga ginapamunuan ni Sen. Risa Hontiveros.
Ang pasalig ni Guo ang kasunod man sang pag-usisa sa iya ni Sen. JV Ejercito.
Ginpahayag sang anay alkalde nga nakahanda ini nga isugid ang sa likod sang iligal nga POGO sa tion sang executive session nga wala sang public audience.
“I think, sa tagal po ng investigation, alam na rin ng committee po… who is really at the back of everything po.”
Apang gin-athag ni Sen. Ejercito nga ang mga naistoryahan sa executive session ang indi mahimo mapalayag sa publiko.
