Ginbida sang mga Ilonggo ang ila pinasahi nga talento kadungan sang ginpatigayon nga 1st ever Grand Finals sang International Ballet Grand Prix 2024 nga ginpatigayon sa National University of Singapore.
Ini amo sanday Ayanna Fuerte kag Bianca Pia Isabel De La Cruz.
Gindala pauli ni Fuerte ang duha ka Bronze medals— isa para sa Classical Ballet Variation kag ang isa naman ang para sa Contemporary Category.
Samtang si De La Cruz naman ang nakakuha sang Bronze para sa Classical Ballet Variation.
Sa interview sang Bombo Radyo kay Pauline Cordero – Dingcong, Ballet Teacher, Mentor, kag Coach sang duha ka mga ballerina, iya ginpahayag nga ang nasambit nga kadalag-an ang nagapakita sang dedikasyon kag pagtinguha agud makakuha sang prestiyoso nga pasidungog kag pagpakita sang world-class talent.
Ginpasalamatan man ni Dingcong, ang suporta nga ginahatag sang mga ginikanan indi lang nanday Fuerte kag De La Cruz kundi sa ila man kaangay nga mga talented nga mga ballet dancers.
