Indi na magpadalagan si dismissed Bamban, Tarlac Mayor Alice Guo sa 2025 elections.
Ini ang ginkumpirma mismo ni Guo kadungan sang Senate hearing.
Suno kay Guo, luyag sini anay nga tutukan ang mga kaso nga iya ginapangatubang agud mangin patas para sa iya mga constituents.
“Your honor, haharapin ko po muna ‘yung mga accusations po sa akin, linisin ko po muna ‘yung sarili ko po. And para maging fair din po para sa mga constituents ko po na minamahal ko po,” pahayag ni Guo.
Sa subong, preso si Guo sa Pasig City Jail, sa diin nagapangatubang ini sang mga kaso nga graft, qualified human trafficking, money laundering, kag tax evasion bangud sa kaangtanan sini nga illegal nga Philippines Offshore Gaming Operator (POGO).
Ginpahalin naman ini sa pwesto sang Agusto.
Ginkansela naman sang Department of Foreign Affairs ang Philippine passport ni Guo matapos natukiban nga ang iya biometrics ang nagasanto sa Chinese passport holder nga si Guo Hua Ping base sa files sang National Bureau of Investigation.
