Gin-anunsyo sang 38-anyos nga Spanish tennis legend nga si Rafael Nadal nga maga-retiro na siya pagkatapos sang Davis Cup finals sa masunod nga bulan.
Ginpaagi sini sa social media ang pagpahibalo sang iya desisyon nga ginalantaw nga naangot sa iya balik-balik nga injuries nga nagasablag na sa iya mga hampang.
Suno kay Rafa, isa ka “dream come true” ang nalab-utan niya sa iya malawig nga karera.
“Really, everything I have experienced has been a dream come true. I leave with the absolute peace of mind of having given my best, of having made an effort in every way,” pahayag sang tennis icon.
“The reality is that it has been some difficult years, these last two especially. I don’t think I have been able to play without limitations. It is obviously a difficult decision, one that has taken me some time to make. But in this life, everything has a beginning and an end,” dugang ni Nadal.
Kilala si Nadal nga may 22 ka Grand Slam singles titles kag isa sa ginakabig nga Greatest Tennis Players of All Time. Masami siya ginakumparar sa iban man nga tennis superstars nga sanday Roger Federer kag Novak Djokovic. Sila nga tatlo ang ginatawag nga “Big Three.”
Sa iya mensahe, gindala man ni Nadal ang pictures nanday Djokovic kag Federer, lakip ang caption nga, “I want to thank the entire tennis industry, all the people involved in this sport, my long-time colleagues, especially my great rivals. I have spent many hours with them and I have lived many moments that I will remember for the rest of my life.”
Matandaan nga una naman nga naka-retiro si Federer sang naga-edad siya sang 41-anyos kadungan man sang pagtakop sang 2022 season.
Sa iya nabilin nga tion sa professional tennis, nalangkag si Nadal nga ibubo ini sa Davis Cup nga ginapatigayon sa Malaga, Spain.
“I am very excited that my last tournament will be the final of the Davis Cup and representing my country,” pahayag sini. “I think I’ve come full circle since one of my first great joys as a professional tennis player was the Davis Cup final in Seville in 2004.”
Matandaan nga katapusan nga naghampang si Nadal sa Paris Olympics kun sa diin ginlutos siya ni Djokovic sa second round sang singles tournament kag nakalab-ot man sa quarterfinals sang men’s doubles kaupod ang isa man ka Spaniard nga si Carlos Alcaraz.#
