Magapatigayon sang motu proprio investigation ang Senado kaangot sa war on drugs sang Duterte administration.
Suno kay dela Rosa nga amo ang chairman sang Senate Committee on Public Order and Dangerous Drugs, ipatawag man niya si anay Presidente Rodrigo Duterte sa tion nga maumpisahan na ang imbestigasyon.
Nahibaluan nga nagpungko si dela Rosa bilang pinuno sang Philippine National Police (PNP) sa idalom sang Duterte administration antes nangin senador.
“Yeah ipapatawag natin at pati yung mga kung sino-sino pa yung mga Cabinet member nya noon na pwede nating magiging resource person baka pwede nating papatawag,” pahayag ni dela Rosa.
Ang imbestigasyon sang senado ang kasunod man sang ginapatigayon nga hearing sang Quad Committee sa Kamara kaangot sa extrajudicial killings sa pungsod.
Nalawagan man ang pangalan ni dela Rosa nga amo ang nagapatuman sang pagpatay sa mga durugista sa pungsod kabaylo sang reward money, bagay nga ginpanginwala sang senador.
