Gin-ako ni retired police colonel Royina Garma sa House quad committee nga gilayon nagtawag sa iya si former president Rodrigo Duterte matapos siya nag-testify sa panel apang ginsiling nga wala sang may ginhambal si Duterte tuhoy sa iya testimonya.
Sa amo nga tawag, ginsiling ni Garma nga nagpaathag si Duterte kun ngaa ginsaligan sini si Edilberto Leonardo, nga amo ang gin-alegar ng gin-tap sang anay president nga pamunuan ang replication sa national level sang anti-drug operations sa Davao City.
Matandaan nga sa ikawalo nga adlaw sang hearing sang quad committee sang Oktubre 11, direkta nga gin-ulamid ni Garma si Duterte sa drug war killings kag ginsiling nga matapos nagdaug si Duterte sa 2016 presidential election, nag-recruit ini sang mga tawo agud ipatuman ang “Davao model” sa bilog nga pungsod.
Ang Davao model amo ang system of payment nga nagahatag sang padya sa mga drug war actors sa madinalag-on nga pagpatay sa mga drug suspects.
Si Leonardo ang ginatudlo nga naga-coordinate sa mga police officers sa pagpatuman sang operasyon kag pagproseso sang rewards.
Ginsiling ni Garma sa quad committee nga sa amo nga tawag, wala nag-apelar si Duterte nga punggan ini sa pagsugid sang kamatauoran.
Suno pa kay Garma nga nagpangayo ini sang pasaylo kay Duterte sa ila pag-istoryahanay sa telepono.
