Ginpasalig ni President Ferdinand Marcos Jr. sa publiko nga may igahatag gid nga bulig sa mga residente nga apektado sang severe tropical storm Kristine.
Sa iya statement, ginsiling ni Marcos nga ginaproseso sang gobyerno ang gilayon nga pagpadala sang ayuda amo man ang recovery kag rehabilitation sa Bicol region nga amo gid ang natam-an sa bagyo.
Gindugang sini nga mas ginpabaskog man ang preparasyon sang gobyerno kadungan sa paghulag sang bagyo pakadto sa nabagatnan kag naaminhan sang Luzon.
Ang prayoridad suno sa iya amo nga hagan-haganon ang halit nga dal-on sang bagyo; ipabakwit ang tanan nga yara sa delikado nga lugar; kag i-preposition ang kinahanglan nga mga ayuda kag personnel para nga sigurado nga available ang importante nga mga suplay.
“We have directed all government agencies to reinforce the bulwark which we have built against this raging tempest. We have also encouraged our partners in the private sector to pitch in so we can assist those in need,” suno pa sa presidente.
Pasalig pa sini, wala sang Pilipino nga mapabay-an sa sini nga kalamidad.
“Sa ating nagkakaisa at mabilisang galaw at pagkilos, malalampasan natin ang unos na ito, muling itatayo ang mga nasira nito, at babangon tayo muli bilang isang mas matatag at mas matibay na bayan,” suno pa kay Marcos.
“Sa mga minamahal kong kababayan na apektado ng bagyong ito, o may mga kapamilya o minamahal na naninirahan sa ma lugar na direktang tinamaan: dumating na ang tulong sa maraming lugar, paparating na ang tulong sa iba pa, ipagkakaloob ang buong saklolo, at walang sinumang Pilipino ang maiiwan,” kabahin sang statement.
Base sa latest reports, 26 na ang nagkalamatay bangud sa bagyo apang pito pa lang ang na-reflect sa data sang National Disaster Risk Reduction and Management Council (NDRRMC) lakip ang anum halin sa rehiyon sang Bicol kag may pito man ka missing nga lima halin sa amo gihapon nga rehiyon kag tag-isa sa Ilocos region kag Calabarzon.
