𝗜𝗟𝗢𝗜𝗟𝗢 – Nagapabilin sa isa ka safehouse ang suspek nga nagluthang-patay sa barangay kagawad sang San Rafael, Tigbauan, Iloilo.
Ang suspek amo si John Castro Jr., samtang ang biktima naman amo si former Punong Barangay kag subong Barangay Kagawad Jobanie Triste, lunsay residente sang Barangay San Rafael, Tigbauan, Iloilo.
Sa interview sang Bombo Radyo kay Atty. Shiela Olid nga amo ang ginapangayuan sang legal advice ni Castro, iya ginpahayag nga personal siya nga gintawgan ni Anti-Squatting and Illegal Structure Unit (ASIS-U) head Mr. Love Joy Hosenilla agud magbulig sa pagpasungka kay Castro.
Nahibaluan nga si Hosenilla ang anay head ni Castro sang nagatrabaho pa ini sa ASIS-U rason nga diri ini nagpabulig nga magsungka.
Suno kay Olid, gindala nila si Castro kay Iloilo City Police Office (ICPO) Director Police Col. Kim Legada sa diin ginpasulat ini sang iya affidavit.
Diri kag ginpaathag sini nga self-defense lang ang natabo bangud man sa gina pagpanggarit-garit sa iya sang biktima.
Apang suno kay Olid, indi na mahimo makustodiya si Castro bangud napasaka na ang kaso nga murder batok sa iya kag wala pa ini sang warrant of arrest.
Magluwas diri, wala man sang natabo nga warrantless arrest rason nga indi ini mapreso.
Bangud man sa kahangawa sa seguridad ni Castro, ginpahamtang lang ini sa lugar sa diin ini ini masakit sang bisan sin-o nga indibidwal kasunod sang nahimo sini nga krimen.
Gin-athag man ni Olid nga indi siya ang legal counsel ni Castro sa baylo, nagbulig lang ini agud mapasungka ini sa pulis.
