Nagapasalamat ang Police Regional Office 6 sa Iloilo City Government ilabi na kay Iloilo City Mayor Raisa Treñas sa daku nga suporta nga ginahatag sa kapulisan.
Suno kay Police Brigadier General Randulf Tuaño, director sang Police Regional Office 6, iya ginapahayag nga dako nga bulig sa ila ang gin-turn over sang city government nga anum ka motorsiklo sa Iloilo City Police Office ukon ICPO.
Dugang pa sini, nagdonar man sang P20 million ang City Government para sa pagtukod sang bag-o nga ICPO Multi-Purpose Building.
Pahayag pa ni Tuaño, indi tanan nga police commander sa Western Visayas ang nakabaton sang kaangay nga suporta, gani wala sang rason ang mga kapulisan nga indi pagtungdan sang insakto ang ila obligasyon.
Ginpasalig man ni Tuaño nga paagi sa mas maayo nga serbisyo publiko kag suporta sang city government mangin malinong kag matawhay ang sitwasyon sa Iloilo City.
