Padayon nga ginatutukan sang mga pulis ang posible pagpadayon sang pagpang-atake kag pagsunog sa mga box sang balota matapos ang kaangay nga mga insidente sa Oregon kag Washington state subong nga semana.
Sang Lunes matandaan nga ginpangsunog ang balota sa Portland kag Vancouver kag ginapatihan nga magkaangot ini nga mga insidente sa natabo man sa Washington sa temprano nga bahin sang Oktubre.
Padayon pa subong nga ginaayam ang suspek, apang may Pro-Palestinian messages nga nakit-an sa devices nga yara sa ginsunog nga mga box santo sa inisyal nga reports.
Ginaalegar nga may mga tinaga nga “Free Gaza” nga yara sa devices sa Portland kag sa Vancouver apang indi klaro kun pro-Palestinian activist ang may kahimuan agud ginhungod agud magtuga sang pagpang-duha-duha samtang nagahilapit ang eleksyon.
Sa pihak nga bahin, lima ka adlaw ang nabilin antes ang ginakalangkagan nga eleksyon sa Estados Unidos sang Amerika, tutukan nanday Vice President Kamala Harris kag former President Donald Trump subong nga adlaw ang western part sang pungsod.
Base sa data sang Election Lab sang University of Florida santo man sa ila natipon sa anum ka labs sa Colorado, Georgia, Idaho, Michigan, North Carolina kag Virginiam, masobra na sa 62 million US citizens ang nakaboto para sa eleksyon subong nga 2024 paagi sa early ukon mail-in voting.#
