Naghatag sang suhestyon si Pope Francis kun mahimo maka-conduct sang international study agud matumod kun may genocide nga ginahimo ang military campaign sang Israel sa Gaza.
Base sa excerpts halin sa Italian daily nga La Stampa, ginpahayag sang Santo Papa nga may international experts nga nagapahayag nga ginakomiter na ang genocide sa amo nga teritoryo sang Palestine — ukon ang ginatawag nga “deliberate and systematic destruction” sa grupo sang mga tawo bangud sa ila “ethnicity, nationality, religion, or race.”
“We should investigate carefully to assess whether this fits into the technical definition [of genocide] formulated by international jurists and organizations,” suno naman sa Pope.
Makapila ka beses na nga ginpanginwala sang Israel ang akusasyon sa genocide.
Sang Disyembre, matandaan nga nag-file ang South Africa sang kaso sa International Court of Justice batok sa Israel bangud sa gin-alegar nga paglapas sa Genocide Convention.
Sang Enero, ang huwes sa amo nga korte ang nagmandu sa Israel nga dapat siguruhon nga wala naga-komiter sang genocidal acts ang ila nga tropa. Sa subong wala pa sang ruling sa kaso kun may genocide gid man bala sa Gaza.
Si Pope Francis, lider sang 1.4-billion-member Catholic Church, ang nakapakigkita man sang nagligad nga semana sa delegasyon sang anay mga bihag sang Hamas sa Gaza. Ini nga delegasyon nga nagpadulong sa Vatican ang nagapanawagan sa paghilway sa pila pa ka mga miyembro sang ila pamilya nga yara pa gihapon sa kamot sang militante nga grupo tubtub subong.
— with reports from Reuters
