Tuman ang kalipay sang award-winning actress nga si Anne Curtis — ang ginbansagan nga “Diyosa” sa Philippine showbiz — matapos ginsapubliko na sang prestihiyoso nga Madame Tussauds ang iya wax figure.
Pagasayluhon ini sa Madame Tussauds museum sa The Peak sa Hong Kong kun sa diin si Anne ang mangin una nga Filipino actress kag host nga iga-display sa museum.
Madamo ang naka-apresyar bangud kopya gid sa figure pati ang magagmay nga detalye sa nawong sang aktres — halin sa moles, freckles, kag ang iya pagyuhom. May ginauyatan man ini nga microphone.
“In my 27 years in the industry, I felt that a microphone has been such a powerful tool,” suno kay Anne sang gin-reveal na ang wax figure.
“And whether it be hosting, giving a speech as a UNICEF ambassador, doing my spiels as a TV host on ‘Showtime,’ or even doing concerts in the Araneta Coliseum, it has been such a powerful tool for me, so I felt like this really should be part of my wax figure.”
Nagalaum man ini nga madamo nga mga Pilipino ang magabisita sa figure sa Hong Kong, kag ginbalikan man ang popular nga joke nga sigurado nga “gets” ilabi na sang iya fans.
“I know it’s been a long-time running joke of like, umuuwi ang ating mga kababayan tuwing birthday ko. Ngayon, you don’t have to worry about coming home for my birthday, because you can now visit me at Madame Tussauds in Hong Kong,” pahayag sini.
Ang Madame Tussauds isa ka world famous wax museum nga kilala sa lifelike sculptures sang global stars kag icons.
Sang 2023 sang nag-selebrar si Anne sang iya ika-25 nga tuig sa show business. Sa guwa naman sang entertainment industry, kilala ang host-actress bilang UNICEF Philippines National Ambassador, kag isa ka proud mom sa ila isa isahanon nga anak ni Erwan Heussaff nga si Dahlia Amelie.
Ang iban pa nga mga Pinoy nga may wax figures sa bantog nga Madame Tussauds museums amo sanday Miss Universe 2015 Pia Wurtzbach kag Manny Pacquiao nga naka-display sa Hong Kong; kag Miss Universe 2018 Catriona Gray nga naka-display sa Singapore.#
