Aprubado na sang Guimaras Provincial Government ang P1.12 billion budget para sa 2025 nga mas mataas sa P945.57 million budget sang 2024 ukon 18.24% increase sa alokasyon.
Sa interview sang Bombo Radyo kay Governor JC Rahman Nava, iya ginpahayag nga ini nga pagtaas sa budget ang nagasanto man sa kinahanglan sang probinsya.
Suno kay Nava, bangud nagapadayon sa pagrekober ang probinsya, nagaamat-amat man sa pagtaas ang kinahanglanon.
Ang amo nga kantidad ang magapondo sa mga initiatives sa idalom sang Kabataan FIRST agenda, nga nagahatag prayoridad sa youth development, education, kag health services.
Ang budget naga-allocate sang PHP 455.4 million para sa general services, PHP 218.16 million para sa development fund, PHP 197.35 million para sa social services, kag PHP 135.18 million para sa economic sector.
Ang Kabataan FIRST agenda, nga ginlunsar sang 2023 ang nagakahulugan sang Focused Tourism, Trade, Investment, and Employment; Integrated Infrastructure; Responsive Health Care and Social Welfare Services; Sustainable Local Economy; and Trusted Fiscal and Bureaucratic Management.
