Ginkumpirma sang actor nga si Anthony Jennings nga bulagay na sila sang iya non-showbiz partner apang ginklaro man sini nga indi involved ang iya on-screen partner nga si Maris Racal.
Pahayag ni Anthony nga kilala man bilang si Snoop Manansala sa romantic drama series nga “Can’t Buy Me Love”, binulan na sila nga nag-break sang iya ex-girlfriend nga si Jam Villanueva.
Gindugang sini nga siya ang may kakulangan kag personal ang rason sang ila breakup kag nagpamalibad na nga maghatag sang dugang nga statement bangud pribado nga tawo ang iya ex kag indi man kabahin sang entertainment industry.
Naghingyo man ini sa netizens nga indi na pagsabadon si Jam.
“Hiwalay na kami. Months ago na nung naghiwalay kami ni Jam,” pahayag ni Jennings. “Request ko lang din sa lahat syempre na ginugulo ‘yung ibang tao, si Jam naman, hindi naman siya artista, pribado ‘yung buhay niya, and sa akin naman, ako ‘yung may pagkukulang dun, problema ko ‘yun, dapat kong ayusin ‘yun magisa.”
Pahayag pa sini, indi man dapat pagdalahigon ang iya on-screen partner nga si Maris bangud mag-abyan lang sila nga duha.
“‘yun nga, sa lahat ng mga nanggugulo rin sa dalawa—kay Maris din, nadadamay si Maris—magkaibigan lang po kami. Sana matigil na yung mga ganun.”
Ini nga klaripikasyon ang kasunod sang pag-viral sang TikTok reposts ni Jam sang nagliligad nga bulan kun sa diin naistoryahan ang pain, girl instinct, kag cheating nga madasig naman nga gin-angot sang netizens sa breakup nila ni Jennings.
Nabutang man sa sentro sang kontrobersiya ang pangalan ni Maris nga ka-loveteam sang actor.
Hulyo sang nag-ako si Maris nga natapos naman ang iya lima ka tuig nga relasyon sa 51-anyos nga singer-songwriter nga si Rico Blanco apang ginklaro man sini nga indi si Jennings ang rason sang ila pagbulagay.
“Anthony is out of the picture. It’s just me and Rico. Mainly me, I’m the issue,” kabahin anay sang pahayag ni Maris sa press conference.#
