Wala gihapon sang kinasadya sa Paskuwa subong nga tuig sa Bethlehem nga amo ang ginakabig nga birthplace ni Hesukristo.
Ini nga lugar ang nahamtang sa West Bank nga okupado sang Israel.
Ini man ang nagamarka sang ikaduha nga sunod-sunod nga tuig nga masubo kag puno sang kahadlok ang amo nga syudad sa Palestine samtang padayon ang giyera sa Gaza.
Wala sang tawo sa Manger Square sa atubang sang Church of the Nativity samtang sirado naman ang souvenir shops.
Wala man sang plano nga magbutang sang nakaandan kuntani nga Christmas Trees.
“During these difficult times that our Palestinian cities are going through, especially in the Gaza Strip, it is difficult to show any signs of joy and happiness,” suno kay Issa Thaljieh, isa ka Orthodox priest sa Nativity Church.
Magluwas diri, sa baylo nga magselebrar, madamo nga Kristiyano nga pamilya ang nagatinguha nga makabiya na sa lugar bangud sa kalakasan sa amo nga teritoryo sa northeast sang Gaza.
“The emigration out of Bethlehem is increasing daily and monthly, and … this has a negative impact on the city,” dugang ni Thaljieh.
Nahibaluan nga naganubo naman ang Christian communities sa Middle East kag wala nakalampuwas diri pati ang West Bank. Sa nagligad nga duha ka tuig, nagdamo na ang Jewish settlements sa West Bank kag ginaduso ang soberanya sang Israeli sa amo nga area.
Matandaan nga sang 2023, ginkansela man ang Christmas celebrations sa Holy Land bilang pagdumdom sa anay 20,000 Palestinians nga napatay sa away sa tunga sang Israel kag Hamas. Ini nga numero sang patay ang nagsaka na subong sa masobra sa 44,000.
