Umpisahan na sang Commission on Elections (Comelec) ang nationwide voter education roadshow subong nga adlaw, Disyembre 2, bilang preparasyon sa May 12, 2025 National and Local Elections.
Lakip diri amo ang live demonstrations sang automated counting machine (ACM) agud nga ma-familiarize na sang mga botante ang bag-o nga teknolohiya kag mas mahapos na ang pagboto.
Suno sa Comelec, ang newly registered kag old voters ang hatagan sang oportunidad nga matun-an kun paano maggamit sini nga machine.
Magalawig ini nga roadshow tubtub sa Jan 30, 2025 kag magalakip man sang deployment sang ACMs.
Nahibaluan nga 112,620 ACMs ang gamiton para sa 2025 elections.
Gin-anunsyo man sang Comelec nga may 68.6 million registered voters na subong nga na-rekord nga mas manubo sa projected nga 70 million.
