Palawigon pa sang Iloilo City Government ang paghatag sang 40% nga discount sa Real Property Tax tubtob sa 2026.
Sa interview sang Bombo Radyo kay Mayor Jerry Treñas, iya ginpahayag nga ini ang magahatag sang dako nga tax relief sa mga negosyo kag landowners sa syudad.
Suno kay Trenas, ini nga inisyatibo ang may katuyuan ng i- assist ang mga stakeholders nga maka-adjust sa updated nga Real Property Tax rates base sa revised market values.
Suno pa sa alkalde, pagpakita man ini sang commitment sang syudad sa pagtukod sang business-friendly environment nga nagaduso sang pagpapag-on pa sang ekonomiya.
Nahibaluan nga ang 40% discount sa Real Property Tax ang tubtob lang kuntani sa 2025.
Naghingyo naman si Treñas sa konseho nga magdihon sang ordinansa agud mangin pormal ang extension sang 40% discount sa Real Property Tax.
