Nangin ‘Santa Claus’ si President Ferdinand Marcos, Jr. sa masobra 2,000 ka mga kabataan sa Malacañang.
Ini na ang ikatatlo nga tuig sang nationwide gift-giving program nga ginsunod sa tradisyon sang administrasyon ni anay President Ferdinand Marcos, Sr.
Sa baylo nga magsuksok sang bayo ni Santa Claus, naka-red checkered polo kag blue pants ang president samtang naga-drive sang yellow train kun sa diin yara man si First Lady Liza Marcos kag duha ka mga anak nga sanday Joseph Simon kag William Vincent.
Ini nga “Balik Sigla, Bigay Saya Year 3” ang gin-organisar sang Office of the President kag Social Secretary’s Office.
Simultaneous ini nga ginhimo sa iban nga areas sang pungsod sa tuyo nga mahatagan sang regalo ang 30,000 ka mga kabataan edad 4-12.
“Alam naman natin na ang Pasko, ang katunayan niyan, ay talaga para sa mga bata. Kaya’t alam ko, naramdaman ko na kaagad ang Pasko dahil andito na naman ang maiingay, malilikot, at makukulit na mga bata na kumakanta ng malakas na Christmas carol,” kabahin sang speech sang presidente.
“Welcome back sa Malacañang. Alam niyo naman na basta’t Pasko, ito’y ino-open house namin dahil ganyan talaga ang naging tradisyon sa pamilya namin, pamilya Marcos. Nu’ng bata pa ako at dito pa kami nakatira, basta’t Pasko, merong handa para sa ating maliliit na inaalagaan,” dugang sini.
Ginhimo ini nga gift-giving program nga may kolaborasyon sa Department of Social Welfare and Development (DSWD), local government units sa Metro Manila, kag mga orphanage nga suportado sang “Tulong sa Palasyo” initiative.
