Ginapreparahan na sang syudad ang ginalauman nga paggutok sang sitwasyon sang trapiko partikular na sa downtown area sa Biyernes, Disyembre 13.
Ini bangud sa dululungan nga pagpatigayon sang tatlo ka mga aktibidad sa bwas sang hapon.
Ini ginalakipan sang Christmas Night Market sa JM Basa, lights- on sang facade sang Iloilo City Hall kag lights- on sang Iloilo Provincial Capitol.
Antes ang programa sa kapitolyo, may patigayunon pa nga foot parade halin sa Freedom Grandstand kag magaagi sa Muelle Loney padulong sa Iloilo Provincial Capitol.
Maga-deploy naman sang mga personnel ang Iloilo City Traffic Management Unit agud magdumala sang sitwasyon sang trapiko sa amo nga mga inoras.
