Ginsaysay sang isa ka street sweeper nga makapila ka beses na man nga may naaktuhan siya nga mga indibidwal nga nagapakighilawas sa masiot nga bahin sang Esplanade 3 malapit sa Garden of Love.
Sa interview sang Bombo Radyo kay alyas Inday, iya ginpahayag nga siya na lang ang nahuya sa kada tion nga may makit-an siya nga nagahimo sang kamala-malahan samtang nagapanilhig ini sa lugar.
Suno sa iya, ginakabig na nga hulukmungan sang mga callboys kag mga indibidwal nga luyag mag-avail sang serbisyo sang mga ini ang nasambit nga porsyon sang Esplanade.
Sa pagkamatuod, may nagakabilin pa nga mga condoms nga ginapatihan amo ang ginagamit sang mga indibidwal sa pagpakighilawas.
Matandaan nga sang damlag lang, may duha ka mga lalaki nga nadakpan nga nagahimo sang kamala-malahan sa lugar.
