Gin-impeach na si South Korean President Yoon Suk Yeol.
Ini matapos nagboto ang mga lawmakers agud kakson ini sa posisyon matapos ang napaslawan nga pagpatuman niya sang martial law sang nagligad nga semana.
Sa 300 ka mga mamalidha, 204 ang nagboto agud i- impeach ang president bangud sa alegasyon sang insureksyon samtang 85 ang nagboto batok sa impeachment.
Tatlo ang nag-abstain, kag walo ka boto ang na-nullify.
Sa subong, si Yoon ang suspendido sa iya pwesto samtang ang South Korea’s Constitutional Court ang magapatigayon sang deliberasyon kun papag-unon ang pagkakas sa iya.
Si Prime Minister Han Duck-soo ang magapungko bilang interim president.
May yara naman sang 180 ka adlaw ang korte para desisyunan ang palaabuton ni Yoon.
Kun suportahan sang korte ang pagkakas kay Yoon, siya ang mangin ikaduha nga president sa South Korean history nga madinalag-on nga na- impeach.
